Kukahan tämän keskustelupalstan oon avanu - aika tyhjänpäiväiseksi näyttää kaikkinensa jääneen. Jos oliski käsitetty reilu vaphaus käsitellä asiaksi asti kielipolitiikkaa tässä rajala tai vaikkapa sitten tiihviisti paikallista elämänmenoa ylheensä, saattais täälä poiketa useamminki. Tieto tästä sivusta taitaa olla harvojen käsissä, vai?
Kekkäs täälä keskustellee?
Duubiduu
7
886
Vastaukset
- kaikesta
Ko vain et loukkaa tai muutoin värkkää, täälä saapi keskustella miten halvaa.
Mieki uskon näitten sivujen tie'on olevan harvoila, mutta on täälä enempi poikkeavia ko nykypirtissä, mihin harvakselthaan ennää vieras ossuu.
Onhan ruottalaisuttamisesta jauhettu vaikka kuinka sielä rajala, mutta kose on jokhaisen ittensä asia mitä niistä miettii. Jonku mielestä kaikki kokhoukset pitäs pittää missä hyvhään ko vain omala puolela.
Onhan se nähty että kolme kruunua pittää hyvän ekonomisen huolen melkhein kaikista, mutta seki halvaa että kaikki ossaavat ruottia niinko mekki ajattelema että pitäs osata suomea.
Tyhjänpäihväinen vain tämä sivu, mutta hauska. Seki on soma ko väylän poikki pääsee jääteitä pitkin nykko ei ennää tartte kauphoinkaan poiketa muilta ko siltakohilta. Ei sitä ennen saanu tehä ko polun jos sitäkhään ja olithan ne tullimiehet aina välhiin kyttäämässä. - Nimetön
Mie piän,että tässä saavat kaikki keskustella halunsa mukhaan.
Tietenki hauskinta on lukea meän murtheela kirjotettua tekstiä.- soppii
Mieki tykkään ko kirjotethaan meän kielelä vaikka son eri vishiin jo kylissäki saati isomissa taajamissa. Sanothaan että väylän vartheen voipi laskea ainaki kahen puolen kylät mutta vähän pitelmättikki.
Jollaki laila pitäs saaha enempi taas semmosta yhtheistä menoa mutta eihän ennää kukhaan kerkiä ko omat menot on niin tärkeät. Toisen puolen elämä on niinko unohettu ko ennää ei tartte jobatakhaan niinko ennen. Pitäs saaha tullihurtat takasi.
Son soma muistella sitä ko oli semmosta ilkikuria vähä aina liikheelä. Kuka jobbasi ja kuka mitäki pientä vilunkia teki sen etheen että sai vähän särvintä leiphään. - Nimetön
soppii kirjoitti:
Mieki tykkään ko kirjotethaan meän kielelä vaikka son eri vishiin jo kylissäki saati isomissa taajamissa. Sanothaan että väylän vartheen voipi laskea ainaki kahen puolen kylät mutta vähän pitelmättikki.
Jollaki laila pitäs saaha enempi taas semmosta yhtheistä menoa mutta eihän ennää kukhaan kerkiä ko omat menot on niin tärkeät. Toisen puolen elämä on niinko unohettu ko ennää ei tartte jobatakhaan niinko ennen. Pitäs saaha tullihurtat takasi.
Son soma muistella sitä ko oli semmosta ilkikuria vähä aina liikheelä. Kuka jobbasi ja kuka mitäki pientä vilunkia teki sen etheen että sai vähän särvintä leiphään.Se joppaus oli jännittävvää.Eikä siinä ollu aina tienastista kysymys.Oli paljon tavaroita,jokka oli totuttu ostamhaan Ruottista.Sieloli semmosia kampheita mitä täälä Suomen törmälä ei oltu nähtykhään.Olletikki sähkövehkeitä.Samala se meni se vasikan kurento sinne kauphaan,ko muutenki piti hakea isäle nuuskaa ja nisujauhoja nehän olit paremat Ruottissa.
Silloin elämä oli jännittävvää,koi koskaan saanu sanoa tullimiehile ketä on näkyny liikheilä.
Nyt ko mennee jääteitä joka suanolla ylitti,tuntus meänkielen ja pokkinainin olevan suuressa nousussa.
Kläppinä soli jokapäivästä,ko joku huusi rannassa "tulkaa nouthaan poikki".
Kirjotelhaan... - sillon
Nimetön kirjoitti:
Se joppaus oli jännittävvää.Eikä siinä ollu aina tienastista kysymys.Oli paljon tavaroita,jokka oli totuttu ostamhaan Ruottista.Sieloli semmosia kampheita mitä täälä Suomen törmälä ei oltu nähtykhään.Olletikki sähkövehkeitä.Samala se meni se vasikan kurento sinne kauphaan,ko muutenki piti hakea isäle nuuskaa ja nisujauhoja nehän olit paremat Ruottissa.
Silloin elämä oli jännittävvää,koi koskaan saanu sanoa tullimiehile ketä on näkyny liikheilä.
Nyt ko mennee jääteitä joka suanolla ylitti,tuntus meänkielen ja pokkinainin olevan suuressa nousussa.
Kläppinä soli jokapäivästä,ko joku huusi rannassa "tulkaa nouthaan poikki".
Kirjotelhaan...Mieki muistan ko kävimä kattomassa ruottin kamaralla televisiosta ko kankkonen voitti ja toisen hävis ko suomalainen tuomari mokas. Nuuska vain oli parempi sielä niinko kahviki, mitä ainaki meilä juothiin.
Oli se kyllä villiä ko tullimiehiäki oli melkhein joka kylhään ripoteltu kyttäähmään että mitä net ihmiset rahtasi poikki. Äläs nyt väylä välissä.
Jokku elit jobbauksella ja semmosella että veit aika kauaski kaikkea eikä niistä hiiskuttu kyllä kelheen. Nythään son aivan eri aika ko eihän pikkupuotija ole ennää ollenkhaan ja tuua saapi enempi ko kantaa jaksaa.
Jokku rakensit koko talonki ko myit muutaman poron ruothiin sotien jälkheen. Mitä kaikkea sitä tehthiin? Voi mahoton ja lossila oli hauska praatia ko menthiin viralisilta paikoilta yli mutta ennää ei sitäkhään huvia ole.
Olihan ruottalaisila ensin jääkaapit ja veen lämmittimet mutta ei meilä ainakhaan olis sunkhaan sähkökhään riittäny. Sehän pätki sillä mallin että tiesi ko grannissa joku käytti jotaki värkkiä mikä tartti paljon virtaa.
- torniolaakson tyttö
Jaa, että kekkä täälä keskustellee. No mie ainaki (nainen vm 79 tornionjokilaaksosta). Tai no ekkaa kertaa mie vissiin täälä kirjottelen. Ensinäki minusta vain tuntuu siltä, että olen pikkuhiljaa unohtamassa koko lapin murretta, täälä etelässä ko olen ollu jo niin pitkhään..eli tämähän on hyvä paikka verestää ommaa murretta (ja eihän se loppujen lopuksi mihinkhään häviä ja saapii korjata jos tykkää) mutta minusta tämä palsta ei kyllä ole turhanpäivänen! Mie ko olen ettimällä ettiny semmosta palstaa netistä jossa olis lappilaista sakkia. Mie en tiiä kuinka aktiivinen tämä palsta on, täytyy alkaa vissin tarkemmin seuraahmaan. Mie ainakin tykkäisin kauheasti jutella samankaltasten ihmisten kanssa. Mulla on monesti ihan mahoton ikävä pohjosheen, mutta minnekkäs täältä lähet, ko on jo hommat täälä jollaki tovila, vaikka kyllähän mie joku päivä täältä lähen takasin laphiin ja takasin en tule muuta ko kaupoila käyhmään! Joo, mutta täytyy vishiin alkaa lopettelehmaan. Kauhean mukava olis jos kaikki vain aktiivisesti rupeais tänne juttua vääntämhään, vaikka mitä tyhjänpäiväsimmistä asioistaki, mie ainaki jaksan semmosia lukea. Kyllä mulla ainaki joka kerta ko mie kotia tulen niin sielu sielä leppää, ja kyllä kaikki lappilaiset on niin ihanan aitoja ja välittömiä ihmisiä. Silloin ko pohjosessa asu, niin ei sitä sillai tajunu taikka noteerannu, mutta nytkö täälä näkkee jos jonku sortin tallaajaa niin kyllä sitä arvostaa lapin ihmistä ihan tosishaan! Mutta kirjotelkaapa juttua tänne niin mie kyllä vastailen takasin! Oikein hyvvää illan jatkoa kaikile!
- Tornionlaakson poika
Siitton kappalhen aikaa ko mie olen viimiksi käyny tällä palstala. Mutta täälähän on jo vireästi kirjotettu.
Mie piän, ette meitä Junanviemiä, etehlään muuttanheita, on ylön paljon, jokka halvaavat praatia ja seurata kotiperän asioita. Internetti ja tämmöset palstat on tietekki somat ko havattee ette muukki on jäähneet kaipaahmaan jotaki sieltä pohjosesta. Mie olen lähteny alaspäin valoahmaan sillon ko sie, Tornionlaakson tyttö, olet syntyny. Vielä nykysinki vertaa näihin etelän ihmisissä tuota ajantajuttomuutta, sitä hoppua joka paikhaan. Ei keritä ko häätyy mennä jo seuraahvaan paikhaan.
No freistaama pittää aktiivisesti palstaa elämässä
Ketjusta on poistettu 4 sääntöjenvastaista viestiä.
Luetuimmat keskustelut
Marinin hallituskaudella Suomen BKT sentään kasvoi
Tämä ns. kauhukabinetti ei ole saanut aikaan kuin vahinkoa. Otti ennätysvelat rikkaiden veroalennuksiin ja sai työttömyy82092Huulitäytteet ja tekotisssit
Kylillä kulkiissa olen huomannut että tässäkin tuppukylässä on hameväki alkanut muokkaamaan ulkonäköään huulitäytteillä1171536Drone-epäily Uudellamaalla
Ihmisiä kehotetaan siirtymään sisätiloihin. https://www.is.fi/kotimaa/art-2000012008358.html1201215Nuorille miehille ei kelpaa enää paljon käytetty nainen
"En ikinä huolisi mitään kyläpyörää", Tomi täräyttää TikTokissa https://www.iltalehti.fi/kotimaa/a/27182b8f-7759-49d0-82101112Sait mut mies heikoksi
Yllätti tämä asia nyt kyllä. Olet ollut mielessä koko ajan. Ei riitä pelkkä kevät nyt syyksi. Veit jalat alta. Pannaan m861094Vauvat syntyvöät vihan lapsina?
Kyllä on pimeä oppi, ja olen ollut täydessä pimeydessä opillisesti, että pienet lapset syntyisivät paholaisen lapsina. O661035Stefan Therman. Vakava syyte ja vankila uhkaa.
Nyt ei taida mies selvitä enää selityksillä.84829Unelma tilanne
Miten haluaisit, että tilanteenne etenisi tai miten toivoisit hänen lähestyvän sinua? Vai toimitko mielummin itse, jos j67815- 77783
Iivarilla johtopäätösten aika
Kun veteraanipolitikko ja pumppuvoimalavastustaja Pikkarainen aloittaa eilen nähdyn ulosmarssin on Iivarilla johtopäätös38648