Mitä tämä asiakas oli ostamassa?

ga pitiähäi suovattana kyly panna lämpiämäh ja sen vuoksi oli kauppaan lähdettävä ostamaan tulitikkuaski ja saippuaa.
Näin eri murrealueet kohtasivat savon sydämmessä.

Iisalmesta mummo oli ostamassa edestakaista lippua Lapinlahdelle. Junaan tietysti, etkö ymmärrä?

Vessel oli dogadie, što erähät maltetah kirjuttua karjalakse tiä Suomi24:s.

Pidänöy vie mustoittua tälgi saital, što karjalan kieli da suomen kielen liidehmurdehet ollah eri dieloloi. Sežo karjalan kieli sizäldäy erijyttyzii murdehii.

Tädä ei äijät ristikanzat tiijä libo ellendä, semmite meil Suomes, hos siit toiči paistah školasgi. Alalleh suau nähtä da kuulta kaikenjyttyzii ošipkoi, pahoiellendyksii, toiči selgielöi kielahuksii konzu paginanalazennu on karjalan kieli.

Karjalan kieldy on paistu da iellehgi paistah meil Suomesgi, ei vaiku Ven'an Karjalas da Tverin alovehel. Enne tostu muailmanvoinua läs kaikin Suomen Raja-Karjalas eläjät, pravoslaunoih prihodah kuulujat ristikanzat paistih karjalua muamankielenny - nenga 35 000 hengie on suuri arteli rahvastu, ei vaiku kobransydämyt.

Viiburin alovehel da muijal Kannaksel rahvas paistih suomekse (liidehsuomen murrehtu, samua midä suuri vuitti suomelazis nimittäy suomen karjalan murdehekse).

Puaksuh tunduu, što Suomen virguniekoin pluanu on tappua karjalan kieli hil'l'azuol, olemal vaikkani kogo dielos – buite ku karjalan kieldy nivouse ei olis olemas (hos karjal sai zakonanmugazen, ei-alovehellizen vähembistökielen stuatussan vuvvennu 2009(!)).

http://yle.fi/uutiset/3-5935502

Vuotetah vai što ristikanzat heitetäh mielenkiinnon omien oigevuksien vuadimizeh… Pritvoršiekat poliitikat meilgi ainos mustetah propovieduija vähembistörahvahien da kielilöin puoles, uskaldua kaikenmostu. Semmite valličendoin iel. Käytändös neče tarkoittau vaiku ruočikse pagizijoin ristikanzoin äbäzöičendyy da heijän dieloloin puolistamistu - saamilazet, čiganat, karjalankielizet ristikanzat da toizet lykätä iäres, eihäi heil ole nimidä oigevuttu prižmie tazapuolistu kohtavundua! Tozielokses meijän piämiehet da virguniekat ruatah nenga, vuozi vuvven jälgeh.

Ainos tiettäväine mustetah Ven'an Federatsien vahnat dai uvvet riähkät da sanellah kui sie virguniekat luajitah pahua kielivähembistölöile, a erähičči vois Suomen tazavaldugi kaččuo zirkaloh.

Nepremenno pidäy nostua čoma karjal ezile tiä Suomesgi, mustoittua valdivon piättäjii što karjalan kieli eläy da sil on iellehgi pagizijoi. Sidä pidäs avvuttua samah luaduh kui saamin kieldy.

Suuri čuudo oli se ku tuhukuus 2015 Yle algoi työndiä uudizii karjalakse joga piätenčy:

http://yle.fi/uutiset/3-7826480

http://yle.fi/uutiset/18-44136

Kieldy tutkitah universitietas ( http://kianna-hanke.blogspot.fi/ ), on Karjalan Kielen Seuru ( http://karjal.fi/ ) kudai piästäy ilmah kniigoi i muudu materjualua muamankielel, muuzikkua luajitah Ven'an dai Suomen puolel, Facebookisgi erähät karjalua kirjutetah ( https://www.facebook.com/groups/210633132436820/ )...

Ga vie pidäy äijäl ruadua! Äijy tarvitah boikoloi kielenmalttajii i muudu rahvastu.

Muzikat ollah vuassua viällehhyh? Kormeniz, ei ni jetinöi pennie. Kuatanzat shitas.