Onko tyhjiä kouluja

Mie uskon että sie löyät parhaiten autioituhneen vanhan opinahjon ko soithautat Pellon yläpuolishiin kunthiin ja kysyt niistä.


Luulis niitä olevan ko väylänvarressa oli melkhein joka kylässä ennen koulu vaikka nykyäjhään net ei ole ennää sunkhaan käytössä ko ei ole paljo ihmisiäkhään.

...Jarhoisten ja Väylänvarren koulu, ovatko ne jo käytössä, entäs eikö Lappeassa ole yritys?

Sullahan taitaa olla yritysidea eräkoulusta. Tänne pitäs saaha sitte lapsiaki. No et sie tietenkhään koulua meinaa panna pysthyyn, joku muu juttu sulla oon mielessä. Tiä sie vain se, että ko koulu tyhjenee, ei sitä vain kuka tahansa saa, vaikka tarjoutethaanki ostettavaksi ja sulla olis halvin tarjous.

Täälä LÄnsi-Lapissa oon hinnat maila ja kouluila vielä kohtuuessa, ko vertaa esim. Itä-Lapin menhoon. Sielähän usko oon menny kokohnaan ja kaikki alkaa sielä olla realisoitavana. Soon säälittävää. Meilä oon tässä Ruottin sivula vielä vähän uskoa, että jotaki mullistavvaa, jopa tällä vuosikymmelellä, alkaa tapahtua. Sen saama nähä, jos elämä!

Kolarin Saarenputhaalta ja Äkäsjoensuusta löytyy ainaki. Se Puthaan koulu ei ole pahan näkönekhään. Pistäppä rahasti siihen.