Muonion

kuka tahtoo, mutta 26,5 kilon LASKUlohi. Todistettavasti- Todistaja elää vielä. En viitsi sanoa kuka sai, mutta kuuluisa lohimies. Tämä kyllä tapahtui heti sodan jälkeen.

No mullahan se tuli jo valovuosia sitten ko olima Rukomasaaressa heinänteossa ja puthaanrannale tulima venheelä. Mie olin pistäny heinähangon ja rautakangen venheen perhään köyvelä roikkumhaan ja en mie siinä tullu ajatelleeksikhaan että siittä niin hyä uistin tulis ko rautakanki toimi vilkkuna. Niinhän siinä lohi perskeles nappasi kiini heinähankhoon. Siittä alkoki sitten jumalaton väsyttäminen ko lohihan vei venettä minne halus. Viisi vuorokautta met souvima minkä jaksoima ja vene kävi välissä Kolarissaki. Viimein mie pääsin rannale ja köytin köyven pään auton vetokoukhuun ja lähin vetähmään sitä kuivile mutta eihän se pikkuviiatti jaksanukhaan vettää, lohi vain kisko autoa, siinä olis käyny huonosti mutta onneksi Paavo sattu huomaahmaan mitä oli tapahtumassa ja toi hevosen avuksi. Emmähän met niiläkhään jaksanheet vettää mutta kylältä löyty sitten pikkuvalmetti jolla met saima kalan maile. Yritimmä met hakea puntaria siihen mutta eihän niin suurta puntaria löytyny Anttilan kaupastakhaan. Siinä vain sattu että päivän levättyänsä kala virkosiki, potki kaksi hehtaaria kylän suurinta männikköä nurin ja hyppäsi takasin vetheen. Eikä tämä tarina ole palturia.