Minä proovaan kirjottaa tällä omala kielelä, ko son päässy unohtumhan. Elikkä perustethanko huutaja-kuoro? Itea tuli ko mie kuuntelin yhtenä iltana Harrinivassa sitä menoa, sielä oli pahempi meteli ko ämmin navetassa ylikylälä aikahnaan. Ko vähän jalostasimma sitä mölinää, siitä saattas etelän kummajaiset tykätä, maksaakki jotaki, että saavat kolmijalkasta sonnilaumaa kuunnela, olkhoonki että rumia met olisimma kaikki, mutta meikathan vähän, ettei net aivan pölästy.
Kyllä net turistit katteli vähän ihmeishään sitä menoa, sielä oli kaikki mettärosvot, porovarkhaat ja kalavalehtelijat samassa paikassa huutamassa, vähän pölättiki vishiin niitä raukkoja ko ennen yhtä katosivat jonnekki.
Kyllä net turistit katteli vähän ihmeishään sitä menoa, sielä oli kaikki mettärosvot, porovarkhaat ja kalavalehtelijat samassa paikassa huutamassa, vähän pölättiki vishiin niitä raukkoja ko ennen yhtä katosivat jonnekki.
Vastaukset 4
Vanhimmat
Niin tarkotakhaan sie HUUTAMHAAN vai HUUTAHMAAN ? No samapa kumpaa, mutta koko ajatus kuitenki on ihan vartheen otettava. Niin ja kuulusko siihen huutosakhiin niitä altto- ja sopraanoääniäki, eli nuita meän akkoja. Mie nimittäin en ala kyllä kilkumhaan jos siihen akakki tulevat mukhaan. Molen saanu niin kammon semmosesta. Joka saakelin maanantaiaamu ko mie tule "kuoroharjotuksista", alkaa meilä kotona ykspuolinen kuoroesitys sillä saastanan sopraanolla... nyt varmhaan (tai varhmaan) ymmärättä miksi alkasin vain kaljapasso- sopraano homoalttoäänishiin kuohroin. Kertokaa vain aika ja paikka. Ja eikö huutamhaan massaturistit takasin sinne kotiseuvuile polkemasta meän jäkälikköjä ja helvetin kyyttiä.
matkhaan, nehän pillaa koko ilon, ei net etelän tyväret uskala tulla kainalhon, jos ruma akka mullistellee siinä vieressä. Sehän menis aivan joutavaksi koko etelän konserttimatkailu, jos ei miehet etelän ihmishiin pääse tutustumhan...
On mukava lukea Teidän murretta.
Emmä met mithään eteläntyttäriä kuulkaa huutamalla saa..... tai piruko sn tietää. Luulevat että huuvon jälkheen seuraa jotaki animaalisn eksoottista. Exriimiä vaikka. Niistä etelän riu`uista koskhaan tiä. Mutta häätyskhään se vaikka ensin kysyä, että halvaks että vähän huuama sulle. Ensin vaikka ihan hiljaa korvhaan, mutta niin siivosti ettei siltä imm... eiko rumpukalvo poksaha. Ja jos se alkaa riethaantumhaan, eikö täys mökä päälle. Kyllä net siittä pehminevät. Tiä, mihin lopulta päätyy...
Voi herra, jos vaimo arvais kuka se täälä tämmösiä kirjottaa. Tulis kyllä läppärinkäyttökielto välittömästi ja pitkäksi aikaa päälle. Toivottavasti ei mene tämäki taasen vääräin isänän puukhiin. Huuva, jos akkas tyhjästä huutaa.